Modular learning effects gikabalak-an

24

Davao City – Gumikan sa sunod-sunod nga insidente sa pagpakamatay sa pipila ka mga estudyante sa gituhuang pressure diha sa modular learning mode, nanawagan karon ang Brethren Evangelical School of Theology ngadto sa Department of Education (DepEd) nga undangon usa kini nga modality.

Matud ni BEST Founder-President Dr. Ariel Coleto, ang sugyot mugna sa panawagan nga unta wala na’y lain pang mga estudyante ang magkutlo sa kinabuhi tinukmod sa kalisod nga dala sa modules sama sa gidangatan sa unom ka mga estudyante.


Labing lahing insidente mao ang paghikog-patay sa duha ka mga minors tungod gihapon sa modules didto sa Davao de Oro ug Davao Occidental.

Karon pa lamang, nabalaka na si Coleto nga basin pag-abot sa panahon, lakip na unya ang mga magtutudlo ma-pressure ug malisoan sa maayong pangisip ug magpakamatay kay dili nila maagwanta ang gibug-aton sa responsibilidad sa trabaho ubos sa blended learning scheme.

Segun ni Coleto, ang blended learning mao unta’y sakto nga tubag sa bag-ong normal diha sa edukasyon apan mas maayo unta kadto kon nagtagana og igo igong panahon aron bansayon una ang tanang mga stakeholders sa bag-ong sistema sa pagtoon.

“Ito naman talaga (blended learning) yung tamang sagot sa pandemic situation…Pero ang naging problema lang sa DepEd ipinilit nang maaga, kaya ang pressure niyan sa mga estudyante dahil mahinang sisidlang pa (ang) mga iyan…Pero ang pangalawang nakakatakot…na magkaroon tayo ng mga report na may teacher na nasisiraan na ng ulo, nagpatiwakal na rin,” obserbasyon ni Coleto.




RadyoMan Joel Viray

Facebook Comments