Davao City – Nanawagan karon si Mofti Muhamad Pasigan sa tanang Muslim dinhi sa Rehiyon Onse nga batasanon kun unsa man ang pagtulun-an nga nakat-onan sa Ramadan.
Sumala ni Mofti Pasigan nga walay kapuslanan sa usa ka Muslim ang pag puasa sulod sa usa ka bulan kun ugaling mubalik kini sa iyang mga naandang kinaiya nga dili sibo sa kabubut-on sa kaihtas-an.
Matud niini nga kun tumanon lang ang pagtulun an sa ramadan pinaagi sa paghukas sa mga dili maayong bisyo ug kinaiya adunay mabatunan nga kalinaw sa kaugalingon ingon man sa isig ka ingon Muslim man o Kristyano.
Karong adlawa gitapos sa mga Muslim ang Ramadan pinaagi sa Eid al-Fitr diin ang mga Muslim nagtagbo sa agro football field ug nagsaulog pinaagi sa salo salo.
Pagka alas dose karong udto ilang gihimo ang pagsimba sa pinakadakong mosque sa mga muslim sa ecoland nga gipangunahan sa pinakataas nga Muslim religious leader nga si Mofti Pasigan.
RadyoMaN Erin Lumosbog
