Moher contra moher

Porcausa na buracherias, un mojer ya queda victima de taho desde consu uban mojer na tomahan na Tulungatung del Miercoles por la noche.
Con el victima ya conose como si Lenie Custodio Enriquez, 37 anios de edad, casao del mencionao lugar.
Si Enriquez ya sostene irida na bariga y na dedo del pies.
El pulis ya nombra con el suspechao como si Esther Protacio del mismo lugar.
Asegun na report del pulis alas 7:30 del noche taman tomahan canda Lenie y Esther.
Despues estos ya queda buracho, ya tene estos purpiahan hasta ya saca si Esther un pana-bit y ya tahya qui tahya con Lenie.
Si Esther ya escapa despues del incidente mientras con Lenie ya lleva entabla na hospital.
El pulis ta prepara ya el propio caos que ay planta na corte contra con Esther.