Molecular laboratory sang probinsya sang Capiz nga nahamtang sa Out-Patient Department sang RMPH sa Barangay Lanot Roxas City, lauman nga matapos na sa sulod sang duha ka semana!

Roxas City, Capiz – Gina-ekspektar nga sa sulod sang duha ka semana matapos na ang molecular laboratory snag probinsya sang Capiz nga nahamtang sa Out-patient Department sang RMPH sa Brgy lanot Roxas City.
Ginpahayag ni Provincial Engineer Edgar Agana, yara na sa 75- porsyento ang completion rate sang nasambitan nga RT-PCR laboratory.
Sa bulig sang Provincial General Services Office, sila ang nagkumpleto sa site development halin sa pagbuldos, pagsemento kag pagtakod sang linya sang tubig kag kuryente.
Samtang sa pagtakud sang mga aparatus sa sulod kag iban pa nga mga kagamitan, ang mga personnel halin sa contractor sa Metro Manila ang bahala sa amu nga bagay.