*General Santos City— Arestado sa gihimong buybust operation sa PDEA 12 uban ang Pikit Municipal Police Station ang usa ka target listed nga nailang si Marjamie Alim Mamasaunda, Alias Mar, 30 anyos.*
*Sumala kang Kath Abad, tigpamaba sa PDEA 12 nga alas 9 pasado ang takna sa buntag dihang gihimo ang operasyon sa Datu Piang, Brgy. Poblacion, Pikit, North Cotabato.*
*Dugay na matud pa nga gi-monitor ang nahisgutang suspetsado kung asa konektado kini sa naunang suspek nga nadakpan sa Matalam, North Cotabato.*
*Dugang pamahayag ni Abad nga top 5 sa listahan sa probinsya sa North Cotabato ang nahisgutang suspek. Narekober sa posisyon niini ang buybust item ug buybust money ug laing unom ka sachet sa gituuhang shabu.*
*Subay sa imbestigasyon, anaa lang sa Pikit naga-operate ang suspek ug gikan sa mga kasikbit nga lugar ang supply niining illegal nga droga.*
*Sa karon ang suspek ang anaa sa kustudiya sa Pikit Police Station ug takda kining pasakaan ug kasong pagsupak sa Sec. 5 ug 11 sa R.A 9165.*
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
