Davao City-Gipakusgan sa Davao City Police Office ang ilang intelligence monitoring batok sa mga illegal gambling financiers dinhi sa Davao City nga padayon gihapon sa ilang mga aktibidad.
Giangkon ni DCPO Spokesperson PSI Ma. Theresita Gaspan nga sukad gilusad sa PNP ang ilang kampanya kontra iligal nga sugal wala pay nasikop nga financiers sa dakbayan tungod kay walay igong ebidesya.
Bisan nahuman na ang kinse ka adlaw nga intensified campain kontra illegal gambling, padayong gipanid-an sa kapulisan ang pipila ka mga gisuspetsahang financiers sa Davao aron madakpan gyod kini sila.
Matud ni Gaspan mihimo sila’g guerilla diin gina house to house nila ang giingong mga tigpalast-two-hay, pati pagsusi sa tanang mga Small Town Lottery (STL) nga giingong dunay pasekreto nga pagdawat og taya sa last two.
Andam na sab ang DCPO sa mamahimong resulta sa oversight committee sa ilang nahimong performance niini nga kampanya.
Kampante ang Davao City Police nga walay mga protektor nga pulis ug kung duna may ma-report dili sila magpanuko nga taktakon kini sa serbisyo.
Kasamang Aimee Guinita
