Monitoring sa mga school building nga apektado sang linog ginpatigayon sang Dep. Ed. 12, emergency drill kag psychosocial intervention ginmando sa pagresume sang klase.

Ginapamonitor sa subong sang pamunuan sang Department of Education 12 (Dep. Ed.) ang mga eskwelahan sa bug-os nga rehiyon dose nga apektado sang magkasunod nga mabaskog nga linog sang Oktubre 16, Oktubre 29 kag Oktubre 31 nga madamo na ang natuga nga danyos.
May-angot sini, suno kay Dep. Ed. 12 Regional Director Dr. Allan Farnazo ginpahulag niya na ang mga district supervisor kag subong man division personnel sa rehiyon agud nga magapatigayon sang inspection sa mga school building nga apektado sang linog.
Nagpaggwa man siya sang kamanduan suno kay Dr. Farnazo kon magresume ang klase sa Lunes nga adlaw ipatuman gid ang no clearance, no occupancy partikular na sa mga high rise building, pagpatigayon sang emergency drill kag psychosocial intervention.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>