Syudad sang Iloilo-Kabahin sang handum nga mahatagan sang solusyon ang problema sa trapiko sa syudad, nagpirma si Mayor Jed Patrick Mabilog sang memorandum of understanding (MOU) sa BYD Company agud maghimo sang feasibility study kun bala feasible ang monorail project sa syudad sang Iloilo.
Kaupod sang alkalde nga nagpirma sa MOU ang tiglawas sang BYD Company LTD is aka global company nga may operation sa 56 ka mga pungsod kag 260 ka syudad sa patag sang transportasyon, technology kag iban pa.
Ang kumpaniya ang nagaplano nga magpatindog sang monorail system gikan sa Iloilo International Airport sa Cabatuan-Sta. Barbara pasulod sa syudad sang Iloilo.
Ginpahayag naman ni Mabilog nga ang moderno nga transport system makapasanyog sang connectivity sang syudad kag makapahapos sang pagbyahe .
Ini nga proyekto abanse nga plano kag paghanda sa madasig nga pag-uswag sang syudad.
