Monsoon wave victims gitabangan

17

Davao City – Padayong nagadawat og asistensiya gikan sa LGU-Davao ang mga residente gikan sa upat ka mga coastal areas sa syudad kansang naigo sa dagkong balod nga dala sa Southwest monsoon kun Hanging Habagat.

Sumala ni City Social Services and Development Office (CSSDO) head Maria Luisa Bermudo, dunay 341 ka mga indibidwal ang na displace nga gikan sa Puroks 2, 3, ug 4 sa Barangay Matina Aplaya; Purok 6 sa Barangay 23-C; Purok 8 sa Barangay 21-C; Purok 59 sa Seaside Bangkal, ug, Barangay Talomo Proper.


“When the monsoon waves started, we immediately sent them food and non-food assistance. In August, barangays Matina Aplaya, 23-C, 21-C, and Talomo Proper were also affected by monsoon waves,” segun ni Bermudo.

Base sa datos gikan sa CSSDO, dunay 100 ka mga paniamalay ang nangabungkag sa monsoon waves rason nga gipahiluna usa sa evacuation centers ang mga apektadong residente.

Dugang ni Bermudo nga kapin kun kulang P2,000,000 ang gi-release kaniadtong adlaw’ng Biyernes alang sa pagpalit og food ug non-food items ngadto sa ulahing apektadong indibidwal.

Subay niini girekomendar na sa City Disaster Risk Reduction Management Office (CDRRMO) isip ‘no-build zone’ sa mga apektadong barangay tungod sa baha ug dagkong balud.

Sumala ni CDRRMO chief Alfredo Baloran nga naila na ang maong mga barangay isip hazard-prone areas gani posibleng matabo sa gihapon ang susamang mga insidente.

“We are not just preparing for monsoon waves since those are coastal areas, a tsunami can also hit them,” matud niini.

RadyoMaN Jason Amisola

Facebook Comments

From Advertisers