Montero yan Carnap na Laguna, ya recobri aqui

15

Maga pulis del Central Police Station y del City Police Office ya recobri con un rubao Nuevo Montero Mitsubishi na pantalan enantes.
Na report del pulis asegun mismo si Colonel Tomas Joseph Martir ya recivi report desde na Laguna que tiene un Montero Mitsubishi ya sale perdido na Laguna y asegun taqui ya na ciudad para lleva ya na un provincia aqui na Sur parte del Mindanao.
Dayun el maga pulis ta entabla na pantalan y ya pwede columbra con el mencionao vejiculo que ta maneha el un miembro del Philippine Coast Guard si PO3 Tajul Barang junto consu uban si Almobin Idji Adjalain.
Durante el investigacion ta nega el coast guard ablando nusabe le cay rubao el vejiculo.
El asunto baho pa na investigacion na Central Police Station.

Facebook Comments

From Advertisers