Nag-alerto karon ang Misamis Oriental Provincial Jail and Rehabilitation Center kon M-O-P-J batok sa pagkatap sa Corona Virus Disease kon COVID-19.
Tungod niini hugot ang kamanduan sa MOPJ ang pagsuot og face mask, ilabi na ang buot mosulod sa prison facility.
Nasayran nga nagpagawas si Provincial Warden Dominador Tagarda og memorandum nga kinahanglang naka mask ang mga mobisita, ilabi ang adunay ubo ug sip-on.
Samtang katong gikan sa gawas nga buot mobisita sa pasilidad, kinahanglan nga napaubos sa 14 ka adlaw nga mandatory quarantine, ayha pa kini maka-istorya ug makasulod sa bilanggoan.
Tungod niini, nagpahinumdom si Misamis Oriental Governor Bambi Emano sa katawhan nga dili lang mag-panic hinoon magpakisayud ug manglimpiyo sa kaugalingon.
