21 ka mga animal quarantine checkpoints gin-istablisar sa bug-os nga probinsya sang South Cotabato kontra ASF.

26

Nagalab-ot sa 21 ka mga animal quarantine checkpoints ang gin-istablisar sa bug-os nga probinsya sang South Cotabato agud mapunggan ang pagsulod sang balatian nga African Swine Fever ukon ASF nga mapatay ang baboy nga maigo sang nasambit nga balatian.
Suno kay Provincial Veterinarian Dr. Flora Bigot sa animal quarantine checkpoints ginapatuman ang regulasyon sa entry kag exit sang live animal, ginasikyar ang mga dokumento kon bala may-yara sang permit ang pagbyahe sang baboy kag iban pa agud mapunggan ang pagsulod sang baboy kag mga processed foods nga may balatian nga ASF.
Ginkumpirmar man ni Dr. Bigot nga sa main entry kag exit sang South Cotabato ginapatuman ang bienti kwatro oras nga quarantine checkpoints.
Nagapabilin naman suno pa nga ASF free ang South Cotabato kag kon may mga reports man suno pa nga may nagakapatay nga baboy ini tungod sa balatian nga diarrhea, pneumonia kag ibanv pa.
Sa subong suno kay Dr. Bigot base sa datos sang hog industry sa South Cotabato nagalab-ot sa 423,603 ang backyard kag 1.675,609 ang sa commercial.

Facebook Comments