Swerte’s Guide: Kung adunay pagsalig nga mupilit kanimo ang swerte, kinahanglan apilan kini og pag-meditate ug pag-ampo. Salig niining atoang mga giya apan hunahunaa baya nga giya lamang kini. Ang kakugi ug pagsalig sa kaugalingon ug paghangad ngadto sa kahitas-an maoy mutoboy kanimo sa usa ka anindot nga kinabuhi.
ARIES: (Marso 21-Mayo 19) – Masolbad ang mga isyu ug problema nga dugay na nimo giluom, musaka ang imong kompyansa ug mapalibotan ka ug mga tao nga musuporta kanimo.
TAURUS: (Abril 20-Mayo 20) – Dili mawala ang pag-ila kanimo kung dawaton ang tanyag gikan sa uban tao, sa karon importante nga abri imong kasing-kasing ug panghunahuna tungod dili daotan ang tumong sa uban tao.
GEMINI: (Mayo 21-Hunyo 21) – Ipadayon ang imong pagtabang sa lain tao, makita nimo nga ikaw gahatag ug inspirasyon para kanila. Kini tanan kaayo mubalik kanimo.
CANCER: (Hunyo 22-Hulyo 22) – Mas maayo kung muhilom nalang ug dawaton ang linihokan sa usa ka tao. Karon, mas labaw nga hatagan sa oras ug kawanangan ang usa ka tao aron magpadayon ang kalinaw.
LEO: (Hulyo 23-Agosto 22) – Hunahunaa ang imong mga nahuman o nahingpit isip sukod sa sunod nimo na mga stratehiya. Mas maka-benepisyo sa pag-obserba lamang sa karon ug dili dalion ang lihok. Importante na mag-pokus sa malungtaron mga plano.
VIRGO: (Agosto 23-Setyembre 23) – Hatagi ug panahon ang pang-pamilya nga interes nga muhatag kanimo ug ideya aron atubangon ang lain nga sitwasyon. Nabalaka ka tungod dili ka sigurado sa epekto sa imong buhaton ug ang imong kasing-kasing nagsinyas nga mas maayo na wala sa kay aksyon nga lihokun sa karon.
LIBRA: (Setyembre 24-Oktubre 23) – Ang usa ka resulta nga dugay ra nimong gihuwat sa usa ka progreso dili magkinahanglan nga imo gyud pugson bisag dili na gyud posible ang tanan. Mao nay gi ingon kung unsay resulta mao na gyud na siya. Timan-e lang gyud permi nga ang tanan panghitabo adunay rason.
SCORPIO: (Oktubre 24-Nobyembre 22) – Patas-e lang gyud na og maayo ang imong pasensya karon. Ayaw pagdali kay naa ray saktong oras para sa tanang butang. Magkinahanglan gyud nga displinahon ang imong kaugalingon para maoy mo hatag sa pag control nga dili gyud madala sa mga bulohaton nga dili angay buhaton.
SAGITTARIUS: (Nobyembre 23-Disyembre 21) – Maglisud pa gyud ka og adapt sa mga butang nga dili paka andam. Ang usa sa rason niini kay nagkat-on pasad ka sa pag adjust sa imong mga palibot. Sige lang ayaw lang dayon ka dismaya. Puhon, masulbad ra gyud na ang tanan.
CAPRICORN: (Disyembre 22-Enero 19) – Kinahanglan nga magusab gyud ka sa imong kaugalingon karon kung unsa man gani ikaayo sa mga katawhan. Kinahanglan pud nga magpabilin kang positibo sa panan-aw gikan sa imong palibot. Pwede ra magusab basta ikaayo lang sa kadaghanan og sa imong kaugalingon. Dili magusab nga mahimo na hinoon kang bati para sa kadaghanan.
AQUARIUS: (Enero 20-Pebrero 18) – Mawagtang gyud ka sa paglaom karong adlawa sa bisag unsang aspeto sa imong kinabuhi. Ana gyud na ang kinabuhi usahay. Dili permi ang atong gusto maato-a. Dasig lang kay puhon kung unsa man gani na imong mga gipangandoy, maabot ra gyud na.
PISCES: (Pebrero 19-Marso 20) – Kinahanglanon gyud kaayo ang imong tabang ngadto sa uban. Pero mao ra gyud hinumdumi permi nga ayaw lang gyud og palabi. Dili buot pasabot nga imong gitagaan og limitasyon ang imong pagtabang. Dili ka dapat magpalabi para pud nga dili magabusar sila diha nimo og naa pud silay makat-onan.
Mao kadto ang atoang LeenoWag Horoscope alang sa adlaw nga Biyernes, Agosto 24, 2018. Hinumdumi kanunay nga ang tinud-anay nga swerte sa kinabuhi anaa sa atoang mga kamot. Kining tanan mga Swerte’s Guide lamang. Tinubdan: www.proastro.com. Photo gikan sa web. (Sinulat ni DJ Leeno Gaw ug Boss Luwag)
