Direkta nga maga-apelar sa Korte Suprema ang MORE Power Corporation angut sa desisyon sang Mandaluyong RTC nga nagapabor sa Panay Electric Company.
Ginpahayag ni Atty. Hector Teodosio nga indi pa final and executoiry ang nasambit nga desisyon sang RTC sa Mandaluyong kabangdanan nga ila ini iga-apelar diretso sa Korte Suprema.
Magluwas diri, ginpahayag ni Atty. Teodosio nga indi man maka-apekto ang desisyon sang RTC Mandaluyong sa mangin ruling sang RTC Region 6 angut sa expropriations nga ila ginapangayo kon sa diin ginahulat na lamang sang More Power ang desisyon sang RTC 6.
Una diri, gindeklarar sang RTC Mandaluyong nga unconstitutional ang RA 11212 nga nagahatag sang prangkisa sa More Power bilang Power distributor sa siyudad sang Iloilo kag ginhimo man sini nga permanente ang ila ginhatag nga TRO nga nagapugong sa hingyo nga expropriations sang More agud makuha ang mga pasilidad sang Panay Electric Company.
