Kumpiyansa sa gihapon ang MORE Power Corporation nga makasugod sila operate base sa ila time line nga isa tubtub duha ka bulan.
Ini ang ginpahayag ni Atty. Hector Teodosio, Abogado sang MORE apesar ginsuspend sang korte ang hearing sang expropriation case nga ila ginpasaka batuk sa Panay Electric Company.
Suno kay Teodosio nga nahangpan niya ang nangin tikang sang judge nga nagauyat sang kaso bangud indi basta-basta ang ila kaso nga pinakauna nga natabu sa kasaysayan sang pungsod nga isa ka pribado nga kumpaniya ang nag-file sang expropriation case batuk sa isa man ka pribado nga kumpaniya.
Ginhatagan pagtamod ni Atty. Teodosio nga ginsuspend sang judge ang hearing sang kaso bangud nag-file ini sang official leave umpisa sa Lunes.
Subong man, kampante sila nga maangkon ang kadalag-an sa kaso kag gilayon nga makasugod na sang operation ang MORE Power bilang distributor sang kuryente sa siyudad sang Iloilo.
