Ginkumpirmar ni Mrs. Veronica Velasco Parcon, asawa ni Councilor Parcon nga nagtaliwan ang konsehal mga alas 9 sini nga gab-i (Mayo 23) bangud sa Pneumonia.
Nahibaluan nga gin-confine si Parcon sa West Visayas State University Medical Center sang nakaligad nga semana pagkatapos sang eleksyon kag subong nga gab-i, ini siya ang ginbawian na sang kabuhi.
Madumduman nga na-diagnose man ang konsehal nga may lung cancer.
Si Parcon ang nagdaug pa bilang ika-duha nga konsehal sang siyudad sang nakaligad nga May 13 mid-term elections.
Nagtaliwan si Councilor Parcon sa edad nga 59 anyos kon sa diin nagsaulog pa ini sang iya kaadlawan sang Mayo 4.
Bilang City Councilor, ang mga komitiba nga gina-uyatan amo ang Committee on Veterans, Retirees, Elderly & Disabled Persons; Committee on Labor, Employment, Manpower Dev’t. and Placement; kag Committee Communication and Public Information.
