ILOILO CITY – Ginlakip na sang Iloilo City Council ang mga motels, drive-in hotels, pension kag lodging houses, kag seaports sa Closed Circuit Camera Television (CCTV) ordinance bilang mga high risk areas.
Kabahin ini sang amendments sa daan nga CCTV ordinance nga wala nagalakip sini nga mga lugar bilang high risk gani wala nasakop sa mga ginrequire sang CCTV cameras.
Suno kay Mayor Jed Patrick Mabilog nagacompliment ini nga ordinansa sa programa sang syudad nga makumpleto ang installation sang CCTV cameras sa 180 ka barangay.
Subong may 156 na ka barangay sa syudad ang may CCTV.
Dako ang nabulig sang CCTV footage sa pagkilala sa mga suspek kag paghagan-hagan sang commission sang krimen.
Facebook Comments
