![Maitum-mps-fimal](https://i0.wp.com/rmn.ph/wp-content/uploads/2017/10/Maitum-mps-fimal.jpg?resize=696%2C391&ssl=1)
Sarangani Province—Padayon pa karon ang gihimong pag-imbistiga sa Maitum Municipal Police Station may kalabutan sa pag busikad sa usa ka eksplosibo sa bakanting luna duol sa tulay sa may Zone 4, Barangay Calaong, Maitum Sarangani Province alas 7:00 ang takna sa gabie naidtong Domingo.
Sumala ni Police Sr. Inspector Rodel Javison, Hepe sa Maitum Municipal Police Station nga ila pang ginasuta ang motibo sa pagbilin sa wala matinong matang sa eksplosibo sa lugar. Nasayran nga ayha ang pagbusikad adunay nakit-an ang mga residenti nga mga lalaking sakay sa motorsiklo kansa gituohang maoy nagbilin sa pabuto ngadto sa lugar.
Gikumperma usab ni PSI Javison nga sa kasamtangan wala pa silay natumbok nga motibo sa pagpabusikad ug eksplosibo sa lugar. Ila pang gisuta kung ang detachment sa RPSB nga nahimutang duol sa nahitabuan maoy target niini.
Nasayran nga ayha ang pagbusikad wala may bahad nga nadawat ang kapulisan sa Maitum subay na usab sa pahayag ni PSI Javison. Sa kasamtangan ginasuta pa usab sa EOD-Sarangani kung unsang matang sa eksplosibo ang mibuto ngadto sa maong lugar.