General Santos City- Padayon ang ginahimong imbestigasyon sa mga kapulisan sa Fatima Police Station human nga matala sa ilahang AOR ang laing kasong pagpamusil patay.
Nasayran nga naligo sa iyahang kaulingong dugo ang biktimang si Fredrick Fondador, 40 anyos og lumulupyo sa may Block 47 Lot 10 Employees Village Uhaw Barangay Fatima ning syudad sa General Santos.
Sumala pa sa kapulisan nga alas 2:50 sa hapon natigayon ang pagpamusil sa may Block 4, Zone 8 Barangay Fatima.
Migawas sa inisyal nga imbestigasyon nga duha ka mga suspek ang matud sakay sa usa ka STX nga motor, kolor blue.
Igo sa mga nagkadaiyang parti sa lawas sa tawo ang biktima hinungdan sa iyahang kamatayon. Dili pa masuta sa Fatima PNP ang motibo sa krimen.
Facebook Comments
