Sa interview sa DXDC RMN Davao kang PCMS Jerome Quiapo, personahe sa Magsaysay MPS, iyahang gisaysay nga wala pa ma-establisar ang motibo sa insidente.
Gibutyag usab ni Quiapo nga gibalhin karon ang biktimang si Niño Rey Razonable, 42 anyos, sa Southern Philippines Medical Center (SPMC) nga gitakdang ipailawom sa operasyon.
Kahinumduman nga samtang ang biktima padulong mamubo sa iyahang tanum, kalit lang nga miduol ang usa ka wala mailhing lalaki dayon siya gipusil.
“Padulong siya mamisbis sa iyahang bulak didto sa iyahang terrace usa to niduol ang suspect. Ang mga witness didto (miingon nga) nagbaklay lang (ang suspect) padulong sa iyahang balay,” saysay sa pulis.
Ginasuta usab karon kung aduna bay hulga ang biktima or gikabangi nga posibleng makonektar sa insidente.
RadyoMaN Kirby Manzon
