Pinal na ang desisyon sang Korte Suprema nga kakason sa pwesto si anay Chief Justice Maria Lourdes Sereno.
Sa boto nga 8-6 ginbasura sang mahistrado ang apela ni Sereno nga nagakwestyon sa proseso nga quo warranto petition batok sa iya.
Nalakip man sa ginpagwa nga desisyon sang SC nga ginamanduan na ang Judicial and Bar Council nga suguran na ang proseso sang pagbaton sang mga aplikasyon para sa posisyon sang Chief Justice.
Una na ginpamilit sang kampo ni Sereno nga wala sang otoridad ang SC sa pagpahalin sa iya sa pwesto bangud nakasaad sa konstitusyon nga mahimo lang paghalimnon ang Chief Justice pinaagi sa impeachment process.
Madumduman nga ginpahalin si Sereno sa pwesto matapos ginpaboran sang mayorya sang mahistrado ang quo warranto case bangud sa isyu nga wala ini nagfile sang Statement of Assets Liabilities and Net Worth ukon SALN.
(photo from web)
