Un 22-año de edad persona ya sale muerto mientras su companiero irido cuando el motorsiclo que ta munta sila ya man bangga con un truck na boundery del Sta. Maria y Pasonanca enantes aga.
El ya muri amo si Jude Ceasar Simbi y Saavadrz, de Canelar y el irido amo si Rex Burgos Leones, 31.
Asegun na imbestigacion del pulis ta aparese canda Simbi encamino para na Pasonana banda alas 3 del aga y de llegar na mecionao lugar, nohay mas puede manipula si Simbi con el manibela del motor y ya entra estos na otro lao del camino del Bongo Type Truck ta maneja si Gerald Seguin quine encamino para na pueblo.
Si Simbi ya muri por el golpe y monton de contucion na su cuerpo mientras con Burgos ya lleva na hospital.
Ambos el dos vegiculo enbuelto na accidente ya lleva na Sta. Maria Police Station mientras con Seguin ya pone bajo na costodia del pulis.
