Nagduso ug Motion for Reconsideration ngadto sa Ombudsman ang kampo ni kanhi Butuan City Mayor Dr. Ferdinand Amante, Jr. Kini base sa desisyon sa Ombudsman nga nakitaan ug probable cause ang kasong Graft nga gipasaka batok kaniya subay sa pagkasunog sa Novo Enterprises niadtong tuig 2012 nga mikalas ug 17 ka mga kinabuhi nga mga sales lady. Nasuta nga ni-isyu ug Business Permit ang syudad ubos ni kanhi Mayor Amante bisan ug walay Fire Safety and Inspection Certificate ang nasangpit nga establismento. Sa interview sa RMN DXBC, gibutyag ni Amante nga ilang gamitong argumento sa gidusu nga motion ang kaso ni Mayor Rex Gatchalian didto sa Valenzuela city nga naabswelto human nasunog ang pabrika sa Tsinelas nga nikalas usab ug daghang kinabuhi. Gipahayag ni Amante nga niadtong higayuna dili lang ang Novo Enterprise ang natagaan ug Business Permit bisan ug walay Fire Safety Certificate tungod kay iyang gibasihan ang joint memorandum circular sa DTI ug DILGÂ nga mahimung isyuhan ug Business Permit ang establismento bisan ug walay Fire Safety and Inspection Certificate (FSIC). Andam tubagon sa kanhi Mayor ang kaso aron mapasabot sa katawhan ang hitabu ug kampante siyang malutsan kini. Sent from my Samsung Galaxy smartphone.
