General Santos City–Nagpatabang sa Police Station 6 ang usa ka Jay-Ar Danda, 23 anyos, usa ka laborer ug temporaryong nanimuyo sa Llido Subdivision, Blk 6, Barangay Lagao ning syudad human nga gikawat matud pa sa wala mailhing suspect ang iyahang motorsiklo nga Xrm 125 nga dunay plate number AM-19156 nga gi-park lang niini gawas sa iyahang boarding house alas 7:40 ang takna sa gabie.
Sumala pa ni P/Capt Brent Ian Salazar ang hepe sa Police Station 6 nga basi sa nahimo nilang imbistigasyon nga ana lang matud pa sa 5 minutos nakasulod ang biktimna sa iyahang boarding house ug nakadungog na kini ug andar sa motor apan wala panumbalingi kay nag tuo nga ubang motor ang ni andar apan pag gawas niini wala na ang iyang motorsiklo.
Gilayon man usab nga giflash alarm sa kapulisan ang nasangpit nga motor samtang nangayo naman usab ug kopya sa Cctv footage ang Police Station 6 sa mga estableshemento nga adunay cctv sa maong lugar aron usab sa pag-ila sa suspect.(Dave Silagan)
