General Santos City—Igo nalang sa pagpatala sa buhatan sa Police Station 1 ang usa ka Segio Montifalcon, legal age, residenti sa Alabel, Sarangani Province human gikawat sa wala mailhang suspek ang iyang motorsiklo niadtong nakalabayng adlaw.
Sa report sa Police Station 1, alas 12:00 sa udto dihang nadiskobrehan sa biktima ang pagkawagtang sa iyang motorsiklo nga igo lang niyang gi-park atubangan sa buhatan sa BIR nga nahimutang sa Laurel Street, Barangay East.
Nasayran nga adunay transaksyon ang biktima sa maong buhatan apan wala siya magdahum nga kawaton ang iyang motor.
Sa karon giflash alarm na sa Police Station 1 ang motorsiklo sa biktima.
Facebook Comments
