Sa pakighinabi sa DXDC RMN Davao kang Police Staff Master Sergeant (PSMS) Marvin Ibañez, imbestigador sa Sto. Tomas Municipal Police Station (MPS), giila niini ang driver sa motor nga si King Lester Paniza, 25 anyos, taga Barangay Balagunan, Sto. Tomas. Samtang driver sa kotse mao si Sthamoel Dujali, 42 anyos, diin sakay ang iyang asawa, inahan ug 2 anyos nga anak nga babae.
Sa inisyal nga imbestigasyon, gikan sa Sto, Tomas Proper padulong Tanglao, Dujali ang kotse sa dihang kalit na lamang nisugat ang motorsiklo.
“Makita nato sa footage nila sa cellphone nga kasugat nila ang motor, ning-cross sa ilang lane. Wala pa man ‘tay medical certificate sa examination kung nakainom ba sya or nakatulog sya,” sulti sa pulis.
Kasamtangang anaa sa ospital ang driver sa motor nga nakahiagom og mga samad sa kalawasan. Gitakdang magbaton usab og kasabutan ang duha ka kampo kalabot sa insidente.
RadyoMaN Kirby Manzon
