General Santos City—Angol ang usa ka motorista human napasok sa ilawom sa prime mover ang gimanihuan niining motorsiklo alas 4:00 ang takna sa kabuntagon sa may National Highway sakop sa Barangay Labangal, Gensan.
Biktima giilang si Patrick Basan, legal age, residenti sa Purok Upper Banualan, Barangay Tambler.
Sa report nga nahipos sa RMN Gensan News Team pagawas sa ilang warehouse ang prime mover nga gimanihuan ni Jero Mamigo nga taga Polomolok, South Cotabato dihang kalit lang nga mipasok ang motorsiklo sa biktima ngadto sa ilawom sa maong sakyanan.
Sumala sa mga nakakita sa insidenti, medyo kusog ang dagan sa motorsiklo sa biktima ug posibleng wala niya nabantayan ang pagawas nga sakyanan mao nga napasok ilawom niini.
Nakaangkon ug samad sa iyang kalawasan ang biktima kansa gidala dayon sa Gensan Medical Center nga nahimutang sa Barangay Calumpang ug kasamtangan na karon nga giatiman.
