Davao City – Patay ang usa ka driver sa single nga motorsiklo sa dihang nibangga kini sa cargo wing van truck bandang alas-12:00 sa kaudtohon kagahapong adlawa.
Biktima naila nga si Archieval Punay, 40 anyos, nagpuyo sa may SIR Matina ning syudad, angkas si Virgina Punay Nonato, 51 anyos, samtang ang driver sa truck mao si Reynaldo Broa, 44 anyos, residente sa may Bansalan Davao del Sur.
Sumala sa report sa Talomo PNP, mibyahe pa South-bound area ang duha ka mga sakyanan diha sa C.P. Garcia Highway sa dihang nawad-an og control ang motorsiklo pag-abot sa kurbada nga bahin sa Maa rason nga natumba ang motorsiklo ug naligiran sa toong bahin nga ligid sa nagsunod nga truck.
Gideklarang ‘dead on the spot’ sa Medical Team sa Brgy. 74-A Matina Crossing ang driver sa motorsiklo samtang kritikal ang angkas niining babaye nga gidala sa pinakaduol nga balay-tambalanan.
Sa kasamtangan anaa na ang patayng lawas sa lalaki didto sa St. Peter Funeral Parlor samtang gikustodiya ang driver sa truck sa Talomo PNP.
RadyoMaN Paul Canono
