RMN Laoag — Nagkaykaysa dagiti Motor Riders iti Ilocos Norte ken Ilocos Sur iti protesta kontra iti linteg a mangnayun ti plate number kadagiti agus-usar ti motorsiklo wenno Motorcycle Crime Prevention Act (Republic Act 11235 ) wenno “doble plaka” law.
Nagtitipon dagiti nagduduma a riders’ club iti Siudad ti Laoag tapno makipagpaset iti naindaklan a protesta iti intero a pagilian a naawagan ti “Unity Ride”. Umabot ti bilangda ti nasurok kumurang 500 nga indibidual.
Sinuportaran met daytoy ni konsehal RJ Fariñas iti Siudad ti Laoag, kinunana a “kas maysa a rider, masapul a daytoy ket maikkan ti naan-anay a konsiderasyon ken kasta pay adalen a naimbag ti gobierno dagiti posible nga epekto kadagiti umili nangnangruna kadagiti addaan iti motor a maapektaran”.
Ti nasao a linteg ket nabukel manipud iti Senate Bill 1397 ken House Bill 8419 a naaprobaran idi Disyembre 13, 2018 ken Enero. 14, iti daytoy a tawen.
“Isinasaad sa batas na kailangan itong ipatupad sa pamamagitan ng Land Transportation office (LTO); kailangan malalaki ang plaka, nakasaad ang rehiyon at kailangan din na mayroong plaka sa harapan maliban sa likod ng motor.”
Patien ti kaaduan a riders a daytoy ket maysa a diskriminasyon para kadakuada gapu ta dakkel ton ti pagbaliwan ti langa ti motorda nangnangruna ta maperdi ti buya wenni disenyo dagitoy.
Kaaduan kadagiti riders addaan iti placard a nakasurat; “We are riders, not criminals”.
Bernard Ver, RMN News
