General Santos City—Gikawat sa wala pa mailhing suspek ang motorsiklo sa usa ka Hernanie Palmes, legal age nga taga Alabel, Sarangani Province alas 9:20 ang takna sa gabie.
Subay sa pahayag sa biktima nga igo lang niyang gipark ang iyang motorsiklo gawas nga bahin sa STL outletnga iyang gitrabahuan nga nahimutang sa Purok Malok, Barangay Labangal, Gensan.
Apan nakurat nalang ang nahisgutan nga nawagtang na kini sa iyang gibutangan. Iya pang gisuwayan ug pangita nag iyang motorsiklo apan wala gyud niya nakaplagan mao nga midangop na kini sa kapulisan.
Giangkon sa biktima ngadto sa kapulisan nga guba ang susian sa iyang motorsiklo mao nga sayon ra kini nga nakawat sa wala mailhing suspetsado. Sa karon nagpadayon ang gihimong imbistigasyon sa Police Station 2 kalabutan sa maong insidenti.
