Bukon eamang it tawo do naga suoed sa panimaeay kundi pati saeakyan man.
Daya hay matapos nga sangka motor do nagsueod sa sangka panimaeay sa Brgy. Pook, Kalibo kainang aga-aga kung sa siin sinungay nana kara ro dingding nga nagtuga it pagkawasak.
Sa report it Kalibo PNP, paagto sa Kalibo ro nasambit nga motor nga gina maneho ni Jomar Dela Cruz 35 anyos angkas ro daywa pa nga kaeaeaki halin sa area it New Washington.
Gina sugid nga kat sa may Pook eon sanda hay may anda nga hasub-eang nga sangka motor man ag masilaw ra iwag dahilan para maduea do ana nga control ag dikato hay diristo imaw sa baeay nga gina tag-iyahan Gabriel Zonio.
Gapamayad eon man makaron sa Provincial Hospital ro mga sakay it motor samtang ginahueat kung magareklamo ro tag-iya it baeay kontra sa mga responsable kara.
