MOTOR vs. BUS LINER | 21-anyos nga lalaki, patay matapos ang aksidente sa dalanon sa Mianay, Sigma, Capiz!

Sigma, Capiz- Patay ang isa ka persona matapos nga nabunggo ang ginasakyan sini nga motorsiklo sa bus liner mga alas 10 sang gab-i sa Brgy Mianay banwa sang Sigma.
Ginkilala ang biktima kay Regie Espiritu y Casabon, 21-anyos sang Brgy Malapad Cogon, Sigma nga nag-angkon sang patal nga pilas sa lawas sa diin gindeklarar nga dead-on-arrival sang gindala sa Roxas Memorial Provincial Hospital.
Suno sa imbestigasyon sang mga kapulisan, una nga nabunggo ang biktima sa na ulihi nga porsyon sang traysikol nga ginamaneho ni Aljhon Lipardo y Española sang Mambusao sang ini ang nag-overtake.
Natumba ini kag nagdiretso sa linya nga ginaagyan naman sang de-pasahero nga bus liner nga ginamaneho ni Silverio Cortez kabangdanan nga ini ang gindalasa.

Facebook Comments