Davao City – Dead on arrival sa Southern Philippines Medical Center ang usa ka babaye human matud pa nagsungag ang iyang gisakyan nga single motorsiklo sa usa ka Toyota Fortuner pasado alas 2:14 sa kaadlawon sa dalang Quezon Boulevard corner Roxas Ave. ning dakbayan.
Ang namatay giila nga mao si Judith Canillas Matunding nga taga Piapi Bouleavrd Davao City samtang ang suspek mao si Marie Abigail Semira Oppus, hingkod ang edad nga taga Cotabato St. Insular Phase 1 Lanang Davao City.
Sa imbestigasyon gikan sa Traffic Section, gimaneho ni Canillas ang single motorsiklo samtang nagdagan sa may Quezon Boulevard gikan sa Mabini Public Market padulong sa Jacinto Extension samtang ang Toyota Fortuner naglawig sa Roxas Ave gikan sa Aurora Quezon St.padulong sa Roxas Extension apan pag-abot sa nahisgutang lugar nagbangga ang duha ka behikulo ug tungod sa kakusog sa impact nalagpot ang driver nga si Matunding ug nabunal ang ulo sa semento nga bahin.
Ang driver sa sakyanan detinado na karon sa Sta Ana PNP.
RadyoMan Don Pulayao
