PANAY, CAPIZ- Wala gid makasalbar ang isa ka persona makaligad nga aksidente nga nabunggo ang ginamaneho sini nga motorsiklo sa poste ang kuryente sa Brgy. Anhawon banwa sang Panay pasado alas kwatro sang hapon.
Ginkilala ang biktima kay Ernie Diaz y Doce, residente sang Brgy. Agbanban, Panay nga nag-angkon sang patal nga pilas sa iya ulo nga gintunaan sang gilayon sini nga kamatayon.
Base sa inisyal nga imbestigasyon sang kapulisan, halin ang biktima sa kaadlawan sang iya anak kag pauli na kuntani sa banwa sang Maayon sang nadulaan ini sang kontrol sa manibela sang ginamaneho nga motorsiklo kabangdanan nga nagbunggo sa poste sang kuryente.
Ginapatihan nga hubog ang nasambitan nga biktima. Suno sa kapulisan, may dala nga helmet ang biktima apang wala masuksok sang biktima.
