Davao City – Patay ang usa ka driver nga nagmaniho sa Honda Rs125 motorcycle nga nailang si Badal Tabalwon, ulitawo, nagpuyo sa Zone 4 St. Jude, Buhangin, syudad sa Davao.
Base sa report gikan Sta. Ana PNP, alas-7:30 kagabie samtang nagmaniho si Tabalwon sa iyang motorsiklo kalit nakabanga kini sa usa ka PUJ Mitsubishi Jitney kinsa gidrayban sa usa ka Rolando Altar, 35 anyos, nagpuyo sa Purok 2 Camansi, Toril ning dakbayan.
Sa imbestigasyon sa kapolisan, sumala gikan ang PUJ sa Leon Garcia St. Agdao diin kusog ang dagan gani pag-abot sa R. Magsaysay Ave. Corner Bangoy St. kalit nibangga ang motorsiklo nga gimaneho sa biktima resulta sa pagkalagpot ug napasok ilawom sa PUJ.
Lakip usab nabangaan pa sa PUJ ang usa ka Rino Tabalawon, 18 anyos, kinsa igo lang nagtindog atubangan sa usa ka ware house.
Ang duha ka pasahero sa PUJ nga sila si Marissa Ocliasa, 24 anyos, nagpuyo sa Saavedra, Bago Aplaya ning siyudad, ug Mark Mabasa, hingkod ang edad, residente sa Brgy. 5-A, Bago Aplaya, lakip na si Rino Tabalawon ang gipangdala sa Southern Philippines Medical Center (SPMC) apan gideklara ang driver nga si Tabalwon nga dead on arrival samtang balhug na sa Sta. Ana PNP ang driver sa PUJ nga si Rolando Altar ug mag-atubang og kasong reckless imprudence resulting to homicide, multiple physical injury and damage to property.
Sa karon wala pay pamilya sa biktima nga mipatin-aw sa presinto sa kapolisan ug nanawagan si Aperong sa kabanay sa biktima nga mudangop sa Sta. Ana PNP aron masayran kun pursegido ba nga mupasaka og kaso batok sa driver sa PUJ.
RadyomMaN Don Pulayao
