Duha ka mga bata patay samtang tulo ang missing sa pagkalunod sa usa ka motorbanca sa kadagatan sa Consuelo lungsod sa San Francisco Isla sa Camotes, Cebu.
Ang MB Jabagat Romeo nga dunay sakay nga kapin sa 30 ka mga pasahero gikan sa Luyang Carmen Cebu paingun sa San Francisco Camotes sa dihang nalunod sa kadagatan sa Consuelo.
Matud ni PT Officer 1st Leonardo Tus , nga narescue ang 31 ka mga pasahero nga gilangkuban sa mga bata ug hingkod ang mga edad nga sakay karon sa Lite Ferry 27 .
Ang Lite Ferry 27 maoy nakarescue sa nalunod nga motorbanca.
Matud ni Tus, nga dunay tulo ka missing ug duha ang patay atol sa insidente.
Ang dagko nga bawod ug bati nga panahon maoy usa sa hinungdan sa pagkalunod sa motorbanca.
Sa pagkuha ning balita, nagpadayon pa ang rescue operation.
