Dipolog City- Inilog sa pinalitay karon ang motorcycle helmet sa mga establisimento ning dakbayan human nga nagpatuman ang kapolisan sa Dipolog sa “No Helmet No Travel Policy”ngadto sa mga motorista.
Sigon sa direktiba nga gipagawas sa Department of Interior and Local Government nga gisugdan unang adlaw ning bulana Uktobre nahimong “sold out” karon sa mga katindahanan ang open face ug half face motorcycle helmet
Sa pag monitor sa mga RadyoMan sa DXDR halos nagpabilin na lamang nga stock ang full face kini tungod kay maoy girekomenda sa kapolisan ang pagsuot sa half face helmet sanglit ang dakbayan gilibutan ug mga cctv camera
Sigon pa ni Spo4 Zotico Calago sa interview sa DXDR nga ang hugot nga pagpatuman niini karong sunod semana kay gihatagan pa karon ug lugway ang ubang motorista makapalit ug helmet sigon sa gikatakda nga standard.I Edgar Dagumo
