Ginkumpirmar ni igbaras mayor jaime ‘james’ esmeralda nga bag-o ang mga litrato sang mga motorcycle riders nga nagsaka sa mt. Napulak nga naglapta sa social media.
Sa pagpangusisa ni esmeralda , naglisensya sang huwebes , abril 30 , ang mga motorcycle riders sa isa ka kagawad nga madul-ong sang abono sa talamnan apang ila ginkakibot sang naggwa ang impormasyon nga nagsaka ang mga ini sa mt. Napulak.
Ginpakadtuan ni esmeralda sa tourism officer kag igbaras pnp ang mga natungdan agud madul-ong sa banwa.
Ginpahayag ni esmeralda nga kapin 17 ka tawo ang nagsaka sa mt. Napulak sa diin may mga babaye kag may mga menor de edad.
Igatugyan sa department of social welfare and development ( dswd) ang mga menor de edad samtang ang iban ang dal-on sa police station para sa nagakaigo nga penalidad angut sa pagbayolar sang enhanced community quarantine.
Nagaapelar si mayor james esmeralda sa publiko nga indi pagpatam-an bash ang mga natungdan bangud menor de edad ang iban kag ‘vulnerable’ sa depression.
Nahibaluan nga nagpangayo naman sang pasaylo kay Mayor Esmeralda ang natungdan nga mga motorcycle riders.
