General Santos City— Giilugan ang motorsiklo sa wala pa mailhing suspek ang 17-anyos nga batan-on didto sa Barangay Road, Sitio El Nama, Barangay Polonuling, Tupi, South Cotabato.
Giila ang biktima nga si Marlon Sekin, 17-anyos residente sa maong lugar.
Sa inisyal nga imbistigasyon sa Tupi PNP nasuta nga sakay sa motorsiklo ang biktima nga may plate number MC-92956 nga nakarehistro kang Ronald Blantucas, pauli na sa ilang panimalay.
Apan pag abot sa lugar, unom matud pa ka mga lalaki nga sakay sa tulo ka mga motorsiklo ang miharang ngadto kaniya.
Didto na gitiunan ug pusil ang biktima ug pugsanong gikuha ang gimanihuang motorsiklo. Gilayong misibat ang mga suspek samtang ang biktima wala nay nahimo kon dili ang pagpatala nalang sa Kwerpo sa kapulisan.
Sa karon nagpadayon ang gihimong imbistigasyon kalabutan sa insidenti.
