Gibaharan karon ni Cagayan de oro City Administrator Teodoro Sabuga-a Jr. ang tanang driver ug ingon man operators sa motorela sa syudad batok sa overcharging nga ginahimo niini sa mga commuters pinaagi sa pagpaningil ug P8 pesos nga pamasahe gumikan sa nagpadayon ga pagsaka sa presyo sa produktong petrolyo.
Matud pa ni Sabuga-a nga ang pletehan sa motorela dinhi sa syudad ang nagpabilin pa gihapon sa P7 ug nga iya ng gimanduan ang City Price Monitoring and Control Council sa pagreport sa klarong presyo sa gasolina nga gipahamtang sa mga dealer sa gasolina sa syudad.
Dugang pa sa opisyal nga dili automatic ang pagsaka sa pletehan kundili nagkinahanglan pa kini ug verification sa dili pa maghimo ug bisan unsa nga increase ang mga drivers ug operators.
Basi usab sa bag-ohay lang nga rollback, ang presyo sa gasolina usab karong panahona ang anaa lang sa P54.60 ngadto sa P54.70 ug nagpsabot nga wala pa kini problema basta dili lang molampas sa P55 ang kada litro.
Nahitabo usab kining maong pagkaalarma sa syudad human nanggawas ang mga balita nga pipila ka mga motorela nga nagabyahe sa syudad ang ang nagsugod na sa pagpangolekta ug P8 nga pamiltete ug nahimo pang away sa pipila ka mga sitwasyon tali sa pasahero ug sa mga drivers.
Dugang pa ni Sabuga-a nga nagpabili ang P7 nga pletehan para sa mga regular nga pasahero, P5.50 para sa mga high school students, college students, senior citizens ug mga PWDs samatang P4 lang usab sa mga elementary students.
Kining tanan ang base usab sa Ordinance No. 13431-2016 ug kung kinsa man ang mosupak niini giaghat gilayon nga moreport sa mga traffic enforcers, kapolisan ug posible nga multahan sila sa RTA ug ingon man sa Cagayan de Oro City Police Office sa kantidad nga P500.
