Sa interbyu sa DXDC RMN Davao kang Alfredo Baloran, head sa CDRRMO, gisulti niini nga adunay mga natalang street flooding sa syudad sa Davao sa sagunson nga pag-ulan rason nga angay mag-amping ug mag-igmat ang mga motorista aron malikayan ang aksidente sa dalan.
“Kung kusog gyud kaayo nga ulan, alanganin ka sa imong agianan, for safety, standby kalang muna. Padaplin para malikay pud ka sa mga disgrasya,” segun ni Baloran.
Gani, bisan sa init nga panahon, dili angay mukumpyansa tungod kay sa unsang oras pwedeng ma-develop ang thunderstorm nga muhatod sa kusog nga bundak sa ulan.
Padayon usab nga gipahinumduman ang mga nanimuyo duol sa Davao River nga mag-igmat sa dagan sa panahon ug kanunay nga maminaw sa mando sa awtoridad.
RadyoMaN Kirby Manzon
[image: width=] <www.avast.com/sig-email?utm_medium=email&utm_source=link&utm_campaign=sig-email&utm_content=webmail>
