Ta hace ahora el embusacada el maga pulis con un 44-año persona quien yah ace bangga con un motorista que ya muri por el maga quebradura na su cuerpo ya sosede na highway del Cabaluay del Sabado denoche.
El tsuper del Hyundai Accent si Joselito Vidad y Fernando, casao del Talon-Talon ya sopla el escapada despues del incidente.
El victima amo si Joan Tarroza y Compronado, 32, soltero del Mangga Bolong.
Na report del pulis ta aparese ta biaja si Tarroza na calsada del Cabaluay encamino para na Bolong pero cuando de llegar na Cabaluay, ya dale este encuentro con Vidad quien ta biaja na dirreccion para na pueblo y ya entra este na unlao del camino ya resulta para man bangga conele.
Muerto na acto si Tarroza mientras si Vidad ya escapa dejando consu vejiculo.
El maga pulis ya apela na social media con Vidad para rendi ya lang y enfrenta el maga cargo contra conele.
