Davao City – Kaulaw ang gibati sa usa ka motorista human nga gilaparo matud pa sa usa ka sakop sa Task Force Davao natigayon alas-3:30 sa hapon nahitabo sa dalang San Rafael siyudad sa Davao.
Base sa report gikan San Pedro PNP, ang biktima mao si Joseph Inguito, 39 anyos, nagpuyo sa Father Selga, Bankerohan ning siyudad.
Matud pa samtang ang biktima nga si Inguito nagmaneho sa iyang single motorsiklo, kalit gipanaug kini sa wala mailhing sakop sa Task Force Davao pag-abot niini sa nasangpit nga lugar partikularmente sa Junction Platinum St.
Giduol kini sumala pa ug sa walay igong hinungdan kalit nanagpa, gilaparu ug gikasab-an pa ang biktima.
Nibati og kaulaw si Inguito human gidagmalan gumikan kay daghan ang nakakita gani nagtuo ang biktima nga lango sa bino ang maong sakop sa Task Force Davao.
Igo nalang nidangop sa kapolisan ang biktima aron ireklamo ang gihimo kaniya sa membro sa Task Force Davao samtang ang kaso giduso na sa barangay level.
RadyoMan Don Pulayao
