Motorista patay human nakigbangga ug laing sakyanan

Patay ang usa ka motorista human sa nahitabong aksidente didto sa may dalang nasyunal sa may Brgy. Dos, Katipunan, sakop ning probinsya, niadtong adlawng myerkules.

Sa nakuhang impormasyon gikan sa Katipunan PNP, kining bongo truck, gimaneho ni Robert Ladion, 22 anyos residente sa Brgy. Dr. Jose Rizal nagsungag kini sa Rusi Motor 125 gimaneho ni Elesio Diacoma, 53 anyos, taga Dequis, sakop sa lungsod sa Manukan.

Pulos kini nagbyahe sa managlahing direksyon ug pag abot sa lugar nahitaboan, aksidente kining nagsingki-ay hinungdan sa pagkalagpot sa driver sa motor nga si Elesio nga kung diin dead on arrival kini sa balay tambalanan.


Ang driver sa bongo gipaslak sa katipunan locked-up cell alang dugang imbistigasyon

Samtang arestado ang usa ka mangingisda sa gihimong seaborne patrol sa kapulisan sa Siay ug Bantay Dagat didto sa Sitio Kabug, Brgy. Laih, Siay, Zamboanga Sibugay.

Akto nga nasapon si Ronald Lanurias, taga Brgy. Monching, nga illegal nanguha ug isda.

Gikumpiska ang motorized nga Bangka, gamit pangisda nga mao ang Sud-sud, ug isda nga gibana-banang motimbang ug tulo ka kilo.

Facebook Comments