Lima nga gin-aaligar miyembro han progresibo nga grupo, arestado

2581

TACLOBAN CITY – Arestado an lima nga gin-aaligar miyembro han progresibo nga grupo ha operasyon nga gindumara ha Tacloban City yana nga adlaw, February 7.
Nagdumara hin raid an police ngan army ha Calanipawan road kun diin naaresto hi Frenchie Cumpio “Pen” nga gin-aaligar secretary han Regional White Area Committee (RWAC-EVRPC) ngan Marielle Domequil “Maye” ngan usa pa nga gin-aaligar miyembro han RWAC-EVRPC ngan finance officer han Rural Missionaries of the Philippines-Eastern Visayas. Hi Cumpio in usa gihapon nga anchor han radio program nga Lingganay han Kamatuuran.
Arestado gihap ha iba nga operasyon ha Barangay 77 hi Mira Legion han Bayan-Eastern Visayas, Marissa Cabaljo han People Surge Network ngan Alexander Abinguna han Katungod Eastern Visayas.
Sumala han Philippine Army’s 8th Infantry Division, arestado an mga ini tungod han pagtalapas han Republic Act 10591 o “Comprehensive Firearms and Ammunition Regulation Act”. Sumala han mga raiding teams, may narekober hira nga mga pusil, bala ngan granada ngan red flag han Communist Party of the Philippines – New People’s Army.
Ini in pagtuman han search warrant nga ginpagawas ni Executive Judge Eligio Petilla han Regional Trial Court Branch 44, ini in sumala han Philippine Army.
Ginkondena naman han University of the Philippines College of Development Communication Student Council ngan Grabiela Youth an pag-aresto.

Facebook Comments