New Washington, Aklan — Gina obserbahan makaron sa ICU it Aklan Provincial Hospital rong driver it motorsiklo matapos nga sunggaban it topdown tricycle ro andang ginasakyang motorsiklo kabii sa Poblacion, New Washington, Aklan.
Ro driver it motorsiklo nakilaea kay Allen Varon, 45-anyos ag may anang backrider nga si Allan Briones, 31-anyos tanan residente it Polo, New Washington.
Samtang rong driver it topdown tricycle hay nakilaea kay Mico Morales, 17-anyos ag may ana man nga kaibahan nga nakilaea kay Dominic Nervar, 13-anyos tanan residente it nasambit nga banwa.
Base sa report nga halin sa New Washington Public Market sanday Allen ag Allan sakay it motorsiklo naga paguwa kunta sa main road tag sunggaban it naga hagunos nga topdown tricycle.
Ro mga sakay it topdown tricycle hay uwa mat-a it naangkon nga lastro.
Una man eon sa kustodiya it New Washington MPS si Mico Morales para man sa nagakaigo nga disposisyon.
