Pusher arestao na Talisayan

Maga pulis del Ayala Police Station na encabesamiento del jefe si Sr. Insp. Albert Alfaro ya aresta con un alegao drug pusher na Talisayan del Miercoles por la noche.
Si Alfaro ya nombra con el suspechao como si Arnold Arquiza y Domingo, 45, casao de Purok 1, Dumagsa, Talisayan.
Con Arquiza ya aresta banda alas once del noche durante el buy-bust operation.
Maga pulis ya recobri desde na su posecion 4 paquete de shabu.
Con Arquiza ya detene na celda del estacion de pulis mientras el maga paquete de shabu ya entrega ya na crime laboratory para el disposicion.

Facebook Comments