General Santos City—wagtang ang motorsiklo sa usa ka 53 anyos kansa igo rang giparking sulod mismo sa ilang compound sa Purok Matinabangon, Barangay Labangal ning syudad.
Una nang midangop ngadto sa buhatan sa Police Station 2 ang biktimang si Pedro Ampo, 53, residenti sa nasampit nga lugar human gikawat matud pa sa wala mailhing suspetsado ang iyang motorsiklo nga usa ka Honda 125 nga dunay plate no. MA 79932.
Subay sa sumbong niini sa kapulisan alas 10:00 ang takna sa gabie dihang gisulod niini sa ilang compound ang iyang motorsiklo, alas 3:45 ang takna sa kabuntagon kaganina dihang migawas sa ilang balay ang nahisgutan aron unta musimba, iyang namatikdan nga wagtang na ang iyang motorsiklo.
Dali kining mireport sa kapulisan aron nga kini maimbistigahan, gisuwayan pagpangita ang iyang motor apan wala na makaplagan mao nga gi-flash Alarm na lamang sa Police station 2 ang motorsiklo sa biktima sa uban pang kwerpo sa kapulisan dinhi sa Gensan ug kasigbit nga lugar.
