Davao City – Midangop sa Sasa Police Station ang usa ka panday human gikawat ang iyang motor nga giparking atbang sa ilang balay sa Purok 17, Bongbong, Panacan ning syudad.
Nadiskubrehan sa biktima nga si Wilfred Pingoy, 34 anyos, minyo, ug nagpuyo sa maong lugar nga nawala na ang iyang motor nga kolor itom alas 12:00 sa tungang kagabhion.
Sumala pa alas 11:45 sa gabii dihang giparking sa biktima ang iyang motor apan paggawas niini nawala na.
Sa gihimong pagpanubay sa kapulisan, usa ka minor de edad ang nagkawat sa motorsiklo ni Pingoy ug tungod niini gilayon mihimo og follow-up operation ang mga otoridad nga miresulta sa pagkarekover sa maong butang.
Gi-endorso sa Women and Children’s Desk ang suspek nga menor de edad kauban ang ginikanan alang sa dugang disposisyon.
RadyoMaN Joel Viray
