Motorsiklo-gikawat sulod sa compound sa mall

74

General Santos City—igo nalang sa pagpatala sa buhatan sa kapulisan ang usa ka babaye human nga gikawat ang iyang motorsiklo nga iyang giparking sulod sa parking area sa Robenson’s Mall, Gensan.

Biktima nailhang si Ginafe Magallano Bottomley, 48, residenti sa Zone 5, Prk. Maypagkakaisa, Barangay Labangal Gensan.

Alas 12:30 ang takna sa udto dihang nahidangat ang biktima sa maong mall gumikan duna kini gipalit. Migawas kini ug alas 3:15 apan hilabihan ang iyang kadismaya human nga wala na niya nakit-an ang iyang motorsiklo nga usa ka XRM 125 kolor itom ug pula.


Dihang gi-review ang CCTV sa maong mall nakit-an ang tawong maoy nikuha sa motorsiklo sa biktima alas 3:06 ag takna pila lang ka minutos ayha migawas sa maong mall ang biktima.

Tungod niini nangayog tabang ang biktima sa Police Station 3 aron nga maimbistigahan ang insidenti, apan basis a pahayag sa kapulisan nga dili klaro ang dagway sa suspek sa CCTV Footage nga kuha sa maong mall hinungdan nga maglisod sila sa pag ila sa suspek sa pagpangawat.

Sa karon padayon pa ang gihimong imbistigasyon sa kapulisan kalabutan sa insidenti.



Facebook Comments